Ծառուկյանը` նախագահի թեկնածու. ԲՀԿ-ն, կարծես թե, հաստատում է
«Բարգավաճ Հայաստան» կուսակցությունը նախագահական ընտրություններում հանդես կգա սեփական թեկնածուով, իսկ այդ թեկնածուն Գագիկ Ծառուկյանն է: Այս մասին Ազգային Ժողովում հայտարարել է «Բարգավաճ Հայաստան» խմբակցության պատգամավոր Նաիրա Զոհրաբյանը՝ նշելով, որ ինքը այս ձևաչափով է տեսնում իրենց մասնակցությունը ընտրություններին:
«Կոալիցիա չկա և նոր հուշագրի հարց էլ չի քննարկվել»,- ասել է Նաիրա Զոհրաբյանը: ԲՀԿ-ական պատգամավոր Վահե Հովհաննիսյանն էլ է անդրադարձելկոալիցոն հուշագրի մասին խոսակցություններին: Նա ասել է, որ կոալիցիոն հուշագրի հարց ԲՀԿ-ում գոյություն չունի: «Այն պահից, ինչ ԲՀԿ-ն մաս չկազմեց իշխող քաղաքական կոալիցիային, այդ հուշագիրն ունի զուտ պատմագրական նշանակություն»,-ասել է Վահե Հովհաննիսյանը:
