«Ժողովուրդ». ԵՄ անդամ երկրները այլևս չեն ցանկանում սպասարկել «Արմավիայի» չվերթները
«Ժողովուրդ»-ը գրում է, որ ԵՄ անդամ երկրները Հայաստանին նախազգուշացրել են, որ մտադիր են այլևս չսպասարկել հայկական, մասնավորապես «Արմավիա» ավիաընկերության չվերթները: Իսկ պատճառն այն է, որ հայկական չվերթները չեն համապատասխանում անվտանգության չափանիշներին, բացի այդ՝ դրանք պարբերաբար խափանվում են:
Ըստ թերթի ՝ հայկական քաղավիացիայի գլխավոր վարչությունը ժամանակ է խնդրել՝ անվտանգության հետ կապված թերությունները շտկելու համար, իսկ «Արմավիա»-ի բախտը թողել են եվրոպացիների կամքին: Քաղավիացիայի գլխավոր վարչության մամուլի խոսնակ Նելլի Չերչինյանը, սակայն, հերքել է այս լուրը:
