Վաշինգտոնի քաղաքապետ Վինսենտ Գրեյը ուրբաթ օրը քաղաքում արտակարգ իրավիճակ է հայտարարել «Սենդի» փոթորկի մոտենալու պատճառով:
Արտակարգ իրավիճակ է նաև հարևան նահանգներում՝ Վիրջինիայում և Մերիլենդում:
Բնակիչները զգուշացված են էլեկտրականության, ջրի և գազի մատակարարման հնարավոր խափանումների մասին: Բնակչությունը սննդամթերք ու առաջին անհրաժեշտութան ապրանքներ է պաշարում:
Հորդառատ անձրևներ ու փոթորկալից քամի է սպասվում նաև Յու Յորքում:
Փոթորկի պատճառով նախագահության թեկնածու Միթ Ռոմնին չեղյալ է հայտարարել հոկտեմբերի 28-ի իր հանդիպումն ընտրողների հետ Վիրջինիա նահանգում:
Փոթորիկն արդեն ավերածություններ է գործել Կուբայում, Հաիտիում, Դոմինիկյան Հանրապետությունում, Բահամյան կղզիներում: