Շաբաթ օրը Չինաստանի արևելքում տեղի են ունեցել ոստիկանության և քիմիական գործարանի ընդլայնման դեմ ցուցարարների բախումներ:
Ոստիկանների խոսքով, Նինբո քաղաքում անօրինական ցույցը ցրվել է տրանսպորտի երթևեկությունը վերականգնելու համար:
Ցուցարարները հայտարարում են, որ ոստիկանները հրահրել են բռնության պոռթկում` կիրառելով արցունքաբեր գազ և ձերբակալելով ակցիայի մասնակիցներին:
Վերջին մի քանի տարիների ընթացքում Չինաստանում նկատվում է բնապահպանական խնդիրների դեմ բողոքի աճ: