Պհենյանը Հարավային Կորեայում ընթացող «Հոգուկ» զորավարժությունները համարում է «ԿԺԴՀ ներխուժելու նպատակով հարված հասցնելու» նախապատրաստություն:
Ինչպես հայտարարել է Խաղաղության կորեական ազգային հանձնաժողովի (ԽԿԱՀ) ներկայացուցիչը, Սեուլի զորախաղերի պատճառով Կորեական թերակղզում ստեղծվել է «չափազանց լարված դրություն, որի դեպքում նույնիսկ աննշան միջադեպը կարող է հրահրել լայնամասշտաբ զինված հակամարտություն»:
ԽԿԱՀ ներկայացուցիչը նշել է, որ ԿԺԴՀ-ն կպատասխանի Կորեայի Հանրապետության և ԱՄՆ սադրանքներին «կործանիչ և անխնա հակահարվածներով»:
Նախօրեին ԿԺԴՀ-ն անցում է կատարել կիսառազմական դրության: