«ՏաԹևեր» ճոպանուղու տնօրինությունը տեղեկացնում է, որ ճոպանուղու աշխատանքի խափանման պատճառը եղել է կայծակը: Ճոպանուղու տնօրինությունը տեղեկացնում է նաև, որ անմիջապես միացվել է ճոպանուղու ձեռքով շահագործման համակարգը՝ խցիկներում գտնվող 37 ուղևորների տարհանումը կազմակերպելու համար:
Այս պահի դրությամբ խցիկները գտնվում են կայաններից անվտանգ հեռավորության վրա և ԱԻՆ Փրկարար ծառայության աշխատակիցների օգնությամբ տարհանվում են բոլոր ուղևորները: Այնտեղ են նաև ոստիկանության, շտապօգնության աշխատակիցները: Այս պահի դրությամբ խցիկներից մեկի բոլոր ուղևորները տարհանված են:
Հիշեցնենք, որ այսօր ժամը 16.12-ին ՀՀ ԱԻ նախարարությունում տեղեկություն է ստացվել, որ Տաթևի ճոպանուղին խափանվել է և խցիկներում մնացել է 37 մարդ:
Դեպքի վայր է մեկնել մեկ մարտական հաշվարկ և Սյունիքի մարզային փրկարարական վարչության փրկարար ջոկատը: