Ամերիկայում հայկական լոբբիի ուժեղացման միտում կա և այդ միտումը կշարունակվի մինչև 2015 թվականը:Այսօր կայացած մամուլի ասուլիսի ժամանակ նման տեսակետ հայտնեց Տարածաշրջանային հետազոտությունների կենտրոնի տնօրեն, քաղաքագետ Ռիչարդ Կիրակոսյանը: Ըստ նրա՝ այն, որ Ամերիկայի նախագահի թեկնածուներից ոչ մեկը չի անդրադարձել Ցեղասպանության հարցին, Ցեղասպանության ճանաչման ջանքերն ավելի կարևոր է դարձնում: Ռիչարդ Կիրակոսյանը համոզված է, որ Ցեղասպանության 100-ամյակին ճանաչման խնդիրը առաջ կքաշվի աշխարհի մի շարք երկրներում, ինչը իրական մարտահրավեր կլինի Թուրքիայի համար: Կրկին անդրադառնալով ԱՄՆ նախագահների թեկնածուների՝ Հայոց Ցեղասպանությանը չանդրադառնալու հարցին, փորձագետն ասաց, որ դա խոսում է ամերիկյան բարոյականության բոլոր կողմերի մասին: