Վրաստանի ՆԳ նոր նախարարն անձամբ կվերահսկի 10-ամսական Բարբարա Ռաֆալյանցի սպանությունը
Վրաստանի ՆԳ նոր նախարար Իրակլի Ղարիբաշվիլին անձամբ կվերահսկի 10-ամսական Բարբարա Ռաֆալյանցի սպանությունը, ասվում է ՆԳՆ հայտարարության մեջ:
Նշվում է, որ երեխայի «մահվան պատճառները պարզելու համար կօգտագործվեն բոլոր հնարավոր ռեսուրսներն ու ջանքերը»:
Բարբարա Ռաֆալյանցն անհետացել է սեպտեմբերի 30-ին Կախեթի շրջանի Կոլագի գյուղում: Նույն օրը , մի քանի ժամ անց նրան հայտնաբերել են գինու մեծ կարասում անգիտակից վիճակում: Երեխային փրկել չի հաջողվել: Մահված պատճառ է դարձել հեղձումը:
Երեխայի ծնողները հայտարարել են, որ կատարվածը քաղաքական ենթատեքստ ունի և կապված է նրանց բարեկամուհու գործունեության հետ, որը «Վրացական երազանքի» ակտիվիստ է, որի տանն էլ տեղի է ունեցել ողբերգությունը:
