Առանց Հայոց ցեղասպանության ճանաչման Թուրքիան չի անդամակցի ԵՄ-ին: Այս մասին Հայոց ցեղասպանության զոհերի հուշահամալիր այցելությունից հետո հայտարարել է Հայաստանի արդարադատության նախարար Դավիթ Հարությունյանը: Նրա խոսքերով` «Թուրքիան ինքը եւ շատ շուտով կհանգի այն մտքին, որ անհրաժեշտ է ճանաչել ցեղասպանությունը եւ ներողություն խնդրել դրա համար: Դա ժամանակի խնդիր է: Այսօր, վաղը, մեկ տարի հետո կամ հինգ տարի հետո, սակայն չեմ կարծում, որ դա ավելի ուշ կլինի»,- ասելէ Հարությունյանը: