«Առավոտ»-ի հետ զրույցում ԼՂՀ արտաքին գործերի նախկին նախարար Արման Մելիքյանն անդրադառնալով առաջիկա նախագահական ընտրություններում քաղաքական որևէ ուժի կողմից իշխանությանն այլընտրանք հանդես գալու հնարավորությանը` նշել է. «Իմ համոզմամբ` ներկայումս Հայաստանում չկա այն ընդդիմադիր կուսակցությունը, որն ընդունակ լինի միայնակ, ապավինելով միայն սեփական ուժերին, հաղթել նախագահական ընտրություններում անգամ ընտրակեղծարարությունը բացառելու պարագայում: Այդ կուսակցություններից ոչ մեկը նաև չունի իր շարքերում այն թեկնածուին, որն ընդունելի կլիներ որպես ընդդիմության միասնական թեկնածու: Սա չի նշանակում, որ ամեն ինչ կանխորոշված է, և Սերժ Սարգսյանի պաշտոնավարումը կշարունակվի ևս հինգ տարի»: