Գյումրու քաղաքապետ Սամվել Բալասանյանն այսօր ընդունել է Հայաստանում ԱՄՆ արտակարգ և լիազոր դեսպան Ջոն Հեֆֆերնին: Ողջունելով հյուրին՝ Սամվել Բալասանյանը շնորհակալություն է հայտնել Գյումրի քաղաքի առաջ ծառացած խնդիրներին նկատմամբ դեսպանի ցուցաբերած ուշադրութան համար և տեղեկացրել, որ ցանկանում է ավելի սերտացնել Գյումրու քաղաքապետարանի և ԱՄՆ դեսպանատան փոխգործակցությունը և հայտնել է քաղաքի զարգացմանն ուղղված համատեղ ծրագրերի մշակման և քննարկման իր պատրաստակամութան մասին:
Պատասխան խոսքում դեսպանը շնորհավորեց Սամվել Բալասանյանին Գյումրու քաղաքապետի պաշտոնում ընտրվելու կապակցությամբ և պատրաստակամություն հայտնեց գործուն քայլեր ձեռնարկել հարաբերությունների խորացման ուղղությամբ:
Զրուցակիցները քննարկեցին երկուստեք հետաքրքրություն ներկայացնող մի շարք հարցեր: