ԱՄՆ-ում բնակվող լեհացի ներգաղթյալը սպանել է երկու երեխաների
ԱՄՆ-ում բնակվող Լեհաստանի քաղաքացուհի Էլժբետա Պլյացկովսկայան դանակով սպանել է իր յոթամյա որդուն և հարևանի հնգամյա աղջկան, որին նայել է:
Պլյացկովսկայան ստիպել է երեխաներին ծնկի իջնել և աղոթել, հետո սկսել է դանակով հարվածել: Երեխաները աղերսել են չսպանել իրենց, սակայն նա շարունակել է հարվածել, մինչև նրանք մահացել են:
Երեխաների մարմինները հայտնաբերվել են այն բանից հետո, երբ աղջկա մայրը եկել է նրան տանելու:
Պլյացկովսկայայի խոսքով, նա փորձել է երեխաներից դուրս հանել չարքերին, հաղորդում է Ռոսբալտը:
