6 նոյեմբերի 2012 - 18:46 AMT
Գալիք շաբաթ Հայաստանում կանխիկ դոլարը, հավանաբար, կվաճառվի 406-410 դրամով

Նախորդ շաբաթ ՆԱՍԴԱՔ ՕԷՄԷՔՍ Արմենիա բորսայում ԱՄՆ դոլարի միջին կշռված փոխարժեքը նվազել է 0,06 տոկոս՝ մինչև 405,38 դրամ: Սակարկությունների ծավալը մեկ շաբաթում կազմել է 7,95 դոլար, ինչը 22,67 տոկոսով քիչ է, քան նախորդ շաբաթ: Կանխիկ դոլարի վաճառքի միջին փոխարժեքը բարձրացել է 0,20 տոկոսով և շաբաթ օրը՝ նոյեմբերի 3-ին, կազմել է 408,23 դրամ:

«Գալիք շաբաթ Հայաստանում ԱՄՆ դոլարի փոխարժեքը կարող է մի քիչ բարձրանալ կողային տրենդի շրջանակներում»,- կարծում են FOREXCLUB-ում: Դա պայմանավորված է պահպանվող ներքին պահանջարկով, ինչպես նաև ԱՄՆ ԴՊՀ կողմից քանակական խթանման նոր ծրագրի գործարկման վերաբերյալ թուլացած էյֆորիայով:

Հայաստանում կանխիկ դոլարի վաճառքի միջին փոխարժեքը գալիք շաբաթ, հավանաբար, կգտնվի 406,0-410,0 դրամի սահմաններում: