Հայաստանը, Վրաստանն ու Մոլդովան ազգային տնտեսական ռեսուրսների սղության պատճառով բանկային հատվածի զարգացման հարցում շեշտը դրել են ներդրողների ներգրավման և միգրանտների դրամական փոխանցումները բանկեր ներգրավելու վրա: «Հաշվի առնելով այդ երկրների բանկերի համար հասանելի ֆոնդավորման փոքր ծավալը, կարելի է նշել առկա հնարավորությունների բավականին արդյունավետ կիրառումը»,-ասվում է ռուսական վարկանիշային «ՌԻԱ Ռեյտինգ» գործակալության հետազոտության մեջ:
Ուկրաինան բանկային ակտիվների ամենամեծ բաժինն ունի ՀՆԱ-ում՝ 80 տոկոս, Ռուսաստանը՝ 69,9 տոկոս: Մոլդովայի բանկային համակարգը երրորդն է ԱՊՀ երկրների թվում 58,2 տոկոս ցուցանիշով:
Հետազոտության արդյունքում վերլուծության են ենթարկվել ԱՊՀ երկրներում ձևավորված բանկային համակարգերը, առանձնացվել են նրանց առանձնահատկությունները և հետագա զարգացման ուղիները, մասնավորապես հետագայում փոխադարձ ֆինանսական էքսպանսիայի առումով:
