Երևանյան առաջին համերգը և Հոլանդիայի ու Թուրքիայի միջև դիվանագիտական հարաբերությունների հաստատման 400-ամյակը Նիդերլանդների Թագավորական Կոնցերտգեբաու նվագախումբը նշելու է նույն ստեղծագործությամբ:
Նվագախմբի պաշտոնական կայքում ներկայացված է Պետեր վան Անրոյի Piet Hein Rhapsody ստեղծագործության պատմությունը, և նշված է հետևյալը. «Լորին Մաազելն ընտրել է այս ստեղծագործությունը` նշելու մեր երկար սպասված դեբյուտը Հայաստանի մայրաքաղաք Երևանում: Ոչ պակաս կարևոր էր ընտրել այս ստեղծագործությունը` Թուրքիայում Նիդերլանդների և Թուրքիայի միջև դիվանագիտական հարաբերություններ հաստատելու 400-ամյակին նվիրված տոնակատարությանը մասնակցելու համար»:
Հիշեցնենք, որ Կոնցերտգեբաուն Երևանում ելույթ է ունենալու նոյեմբերի 9-ին, Արամ խաչատրյան համերգասրահում, իսկ հաջորդ օրը` Ստամբուլում: Դիրիժոր է լինելու Լորին Մաազելը:
