Հայաստանը հարաբերություններ կհաստատի բոլոր ոչ թշնամական դաշինքների եւ միությունների հետ: Այդ մասին, պատասխանելով PanARMENIAN.Net-ի թղթակցի հարցին հայտարարել է Ռուսաստանում Հայաստանի դեսպան Արմեն Սմբատյանը «OpenArmenia.com» կայքին տված օն-լայն հարցազրույցի ժամանակ: Մեկնաբանելով Հայաստանի հնարավոր անդամակցությունը ՆԱՏՕ-ին, Արմեն Սմբատյանը նշել է, որ Հայաստանի քաղաքականությունը կառուցվում է բացառապես սեփական շահերից ելնելով: «Խոստովանեմ, որ ինձ համար դժվար է դատել, թե ինչ կլինի 10-15 տարի հետո, սակայն հարաբերությունների կառուցման հիմնական սկզբունքը` փոխլրացումն է»,-նշել է դեսպանը: Ինչ վերաբերվում է ՀԱՊԿ-ի հեռանկարների գնահատմանը մոտակա 5-10 տարիների ընթացքում Հարավային Կովկասում ռուսական ռազմական ներկայության կրճատման լույսի ներքո, Արմեն Սմբատյանը նշել է, որ Հայաստանը կարեւորում է ՀԱՊԿ գոյությունը եւ ռուսական ռազմակայանների պահպանմանը Հայաստանում: