2013-ից եվրագոտում կսկսվի նոր տեսակի թղթադրամներ ներմուծելու գործընթացը: Այդ մասին Ֆրանկֆուրտում մամլո ասուլիսում հայտարարել է Եվրոպական կենտրոնական բանկի նախագահ Մարիո Դրագին:

Առաջինը շրջանառության մեջ կդրվեն հինգ եվրո արժեքով թղթադրամներ, որոնք կունենան կեղծիքներից պաշտպանության լրացուցիչ աստիճաններ: Այլ անվանական արժեքով թղթադրամները պլանավորվում է ներմուծել փուլ առ փուլ, մի քանի տարիների ընթացքում, հաղորդում է ԻՏԱՐ-ՏԱՍՍ-ը: