Դեկտեմբերի 9-19-ը Կալինինգրադում կկայանա Եվրոպայի բռնցքամարտի մինչև 23 տարեկանների առաջնությունը: Առաջնությունում հանդես կգա նաև Հայաստանի հավաքականը մարզիչ Կարեն Աղամալյանի գլխավորությամբ: Հավաքականն այժմ ուսումնամարզական հավաք է անցկացնում Ծաղկաձորում:
«Մինչև 23 տ. բռնցքամարտի առաջնություն տեղի կունենա առաջին անգամ: Մեր թիմը հանդես կգա 7-8 բռնցքամարտիկներով:
Կարող եմ ասել, որ տղաները մեդալներ նվաճելու շանսեր ունեն»,- PanARMENIAN.Net-ի թղթակցի հետ զրույցում ասել է Աղամալյանը:
Այժմ հավաքին մասնակցում է 12 մարզիկներ: Գլխավոր մարզչի խոսքով, վերջնական կազմն ավելի ուշ կհրապարակվի. «Մեր վերջին հավաքը տեղի կունենա Աբովյանում, իսկ արդեն դեկտեմբերի 4-ին կմեկնենք Կալինինգրադ»: