Վանես Մարտիրոսյան-Էրիսլենդի Լարա մենամարտն ավարտվել է ոչ ոքի, քանի որ 9-րդ ռաունդում նրանք բախվել են գլուխներով, և Մարտիրոսյանի աչքի վերևը պատռվել է: Բժիշկներն արգելել են հայ բռնցքամարտիկին շարունակել մենամարտը: Մարտն ավարտվել է 86:85, 84:87 և 86:86 հաշվով:
Լարան, սակայն, կարծում է, որ հաղթանակ է տարել. «Վանեսը լավ բռնցքամարտիկ է, բայց ես գիտեմ, որ ես հաղթել եմ այդ մարտում»:
Այդ զույգի հաղթողը պետք է հանդիպեր WBC վարկածով առաջին միջին քաշային կարգում աշխարհի չեմպիոն Սաուլ Ալվարեսի հետ: Բայց քանի որ ոչ ոք հաղթանակ չի տարել, հնարավոր է, կայանա հանդիպում ռևանշ:
«Ես հիմա ինձ լավ եմ զգում, և առաջիկայում կպահանջեմ Լարայի հետ հանդիպում ռևանշ»,- ասել է Մարտիրոսյանը:
«Ես դեմ չեմ ռևանշ անցկացնել թեկուզ հիմա: Եթե չկանգնեցնեին մարտը, ես հաղթանակ կտանեի Վանեսի նկատմամբ»,- Լարայի խոսքերը հաղորդում է boxingscene.com-ը: