Պելեն օրերս Սան Պաուլոյի հոսպիտալում տարել է ազդրի վիրահատություն
72-ամյա Պելեն Սան Պաուլոյի Ալբերտ Էյնշտեյնի անվան հոսպիտալում տարել է ազդրի վիրահատություն:
Վիրահատությունը հաջող է անցել և այժմ համաշխարհային ֆուտբոլի լեգենդն արագ ապաքինվում է:
Բժիշկների խոսքով, Պելեն հիմա իրեն նորմալ է զգում:
«Պելեն այժմ գտնվում է հիվանդանոցում, բայց նրա ընտանիքի խնդրանքով մենք չենք կարող ավելի մանրամասն տեղեկատվություն տրամադրել»,- հաղորդել են բժշկական հաստատությունում:
Ֆուտբոլիստի ներկայացուցիչն ավելի ուշ բացատրել է մամուլին, որ Պելեի մոտ փոքր-ինչ ցավացել է ազդրը և խնդրի լուծման համար անհրաժեշտ է եղել պարզ վիրահատական միջամտություն:
