Հայաստան-Լիտվա ընկերական հանդիպման ընդմիջմանը տեղի ունեցավ հավաքականի ավագ Սարգիս Հովսեփյանի հրաժեշտի միջոցառումը: Մինչ այդ նա ավագի թևկապով դուրս էր եկել խաղադաշտ և մի քանի րոպե հանդես եկել հավաքականում:
Հայաստանի ֆուտբոլի ֆեդերացիայի կողմից ՀՖՖ նախագահ Ռուբեն Հայրապետյանը ավտոմեքենա նվիրեց Հովսեփյանին, իսկ Երևանի քաղաքապետ Տարոն Մարգարյանը պարգևատրեց քաղաքապետի ոսկե մեդալով:
Հովսեփյանը Հայաստանի ազգային հավաքականում 20 տարիների ընթացքում անցկացրել է 131 հանդիպում և դարձել 2 գոլի հեղինակ: