Երուսաղեմի բնակիչները նոյեմբերի 16-ի երեկոյան ստիպված են եղել թաքնվել ռմբապաստարաններում այն բանից հետո, երբ քաղաքում հնչել է օդային ահազանգ, հաղորդում է Lenta.ru-ն:
Երուսաղեմի բժիշկների տվյալներով, պայթյուն իսկապես եղել է, սակայն տուժածներ չկան:
Դրանից առաջ ՀԱՄԱՍ շարժումը հայտարարել է Երուսաղեմի ուղղությամբ միջին հեռավորության «M-75» երկու հրթիռներ արձակելու մասին:
Մի քանի ժամ առաջ Գազայի հատվածից արձակված հրթիռը Թել Ավիվի մոտ ընկել է ծովը՝ ոչ ոքի վնաս չհասցնելով: