Կիբերհարձակումների շարքը ժամանակավորապես շարքից հանել է մի քանի իսրայելական կայքեր, մյուս կայքէջերում ՀԱՄԱՍ-ին աջակցություն հայտնող հաղորդագրություն է: «Անոնիմուսի» այս ակցիան ստացել է «OpIsrael» անվանումը:
Ինչպես հայտնում է ԻՏԱՐ-ՏԱՍՍ-ը, հայտարարության մեջ խմբավորումը նշել է, որ հարձակում կատարելու որոշումը կայացվել է Գազայի հատվածի բոլոր հեռահաղորդակցություններն արգելափակելու Իսրայելի կառավարության սպառնալիքի պատճառով:
«Անոնիմուսի» ներկայացուցիչները հրապարակել են այն 87 կայքերի ցուցակը, որոնք, ըստ նրանց, շարքից հանված են: