ԱՄՆ նախագահ Բարաք Օբաման իր` Կամբոջա կատարած այցի ժամանակ կոչ է արել երկրի վարչապետ Հուն Սենին արդար ընտրություններ անցկացնել և ազատել քաղբանտարկյալներին:
Ամերիկյան պատվիրակության ներկայացուցիչը հաղորդել է, որ երկու երկրների առաջնորդների բանակցությունները լարված են ընթացել: Օբաման շեշտը դրել է Կամբոջայում մարդու իրավունքների հետ կապված իրավիճակի վրա`qաղաքացիների իրավունքների խախտումը համարելով երկու երկրների հարաբերությունների բարելավման խոչընդոտ:
Օբաման Կամբոջա է ժամանել Բիրմա կատարած այցից հետո. վերջինս երկիր է, որն ավելի վաղ ոչ մի ամերիկյան նախագահ չի այցելել, փոխանցում է BBC-ի ռուսական ծառայությունը: