Իսրայելը հերքել է պաղեստինյան խմբավորումների հետ հրադադարի վերաբերյալ համաձայնության գալու մասին լուրերը: Ըստ շրջանառվող լուրերի նման խնդրանքով նրանց առաջնորդին է դիմել Իսրայելի վարչապետ Բինյամին Նեթանյահուն, երկուշաբթի օրը փոխանցում է Yedioth Ahronoth պարբերականի կայքը:
Այն մասին, որ Իսրայելի վարչապետը հրադադար է խնդրել, Կահիրեում հայտարարել է ՀԱՄԱՍ-ի առաջնորդ Հալեդ Մաշաալը: Ըստ նրա, հրադադարը հնարավոր կլինի, եթե Իսրայելն առաջինը դադարեցնի գրոհները Գազայի հատվածի վրա:
Իսրայելցի բարձրաստիճան քաղաքական գործիչը հայտարարել է, որ «հրադադարի վերաբերյալ ՀԱՄԱՍ-ի մեկնաբանությունները ճիշտ են այնքանով, որքանով կնեսեթի վրա հարձակումը կամ F-15 կործանիչի ոչնչացումը»: