Իտալիան ճանաչել է սիրիական ընդդիմադիր կոալիցիան
Իտալիան ճանաչում է Սիրիայի հեղափոխական և ընդդիմադիր ուժերի ազգային կոալիցիան` որպես սիրիացիների օրինական ներկայացուցիչ, հաղորդում է Ռոսբալթը:
«Մենք ճանաչում ենք կոալիցիան, որտեղ միասին ներկայացված են տարբեր ընդդիմադիր խմբեր` որպես սիրիացիների օրինական ներկայացուցիչներ»,- Al-Jazeera-ին տված հարցազրույցում հայտարարել է իտալական կառավարության ղեկավար Մարիո Մոնտին:
Ընդ որում, նա հավելել է, որ Հռոմը կխնդրի ԵՄ-ին կողմ արտահայտվել ապստամբներին զենք մատակարարելուն, ինչի մասին սիրիական ընդդիմությունը արդեն մեկ տարուց ավել խնդրում է:
Հիշեցնենք, որ Բաշար Ասադի դեմ պայքարող բոլոր ուժերի շահերը ներկայացնող Սիրիայի հեղափոխական և ընդդիմադիր ուժերի ազգային կոալիցիան ստեղծվել է Քաթարի մայրաքաղաք Դոհայում նոյեմբերի 11-ին:
