Այս տարվա առաջին 10 ամիսներին Հայաստանից մեկնել է 1 միլիոն 880 հազար մարդ, վերադարձել` 1 միլիոն 791 հազար մարդ։ Ինչպես գրում է «Հայկական ժամանակ» թերթը, այդ են վկայում ՀՀ միգրացիոն ծառայության երեկ հրապարակած տվյալները։ Ըստ այդ տվյալների` բացասական սալդոն կազմել է 88 հազար 241 մարդ։

«Անցած տարվա նույն ժամանակահատվածում բացասական սալդոն, այսինքն՝ մեկնած և չվերադարձածների թիվը կազմել էր շուրջ 81,5 հազար մարդ։ Այլ կերպ ասած, անցած տարվա համեմատ բացասական սալդոն աճել է 6,7 հազարով»,- գրում է թերթը։