ԵԱՀԿ Մինսկի խմբի համանախագահները տարածել են պաշտոնական հաղորդագրություն մամուլի համար վարշավյան բանակցությունների շուրջ, հաղորդում են ադրբեջանական ԶԼՄ-ները: Հաղորդագրության մեջ ասվում է, որ Ադրբեջանի եւ Հայաստանի նախարարների հանդիպման ժամանակ ձեռք են բերվել որոշակի արդյունքներ ղարաբաղյան հակամարտության կարգավորման հիմնական կոմպոնենտների շուրջ: Այդ մասին դեմ առ դեմ երկժամյա բանակցություններից հետո երկրների ղեկավարները հաղորդել են համանախագահներին: Նախագահները խնդրել են համանախագահներին շարունակել խորհրդատվությունները Ադրբեջանի եւ Հայաստանի ԱԳՆ ղեկավարների հետ այն դրկան արդյունքների հիման վրա, որոնք ձեռք են բերվե; այս տարի անցկացված կարգավորման կարեւորագույն կոմպոնենտների քննարկումների ընթացքում: Բացի այդ երկրների ղեկավարները հաստատել են, որ երկուստեք ջանքեր են գործադրում հակամարտության կարգավորման գործընթացում առաջխաղացման հասնելու համար: Ակնկալվում է, որ մոտակա ամսվա ընթացքում համանախագահները կհանդիպեն ԱԳՆ ղեկավարների հետ եւ կքննարկեն այդ կոմպոնենտները: