Լոնդոնը պաշտոնապես որպես լեգիտիմ ուժ է ճանաչել Սիրիական հեղափոխական և ընդդիմադիր ուժերի ազգային կոալիցիան, որը ստեղծվել է Քաթարում` սիրիացի ընդդիմադիրների հանդիպման ժամանակ, փոխանցում է BBC-ի ռուսական ծառայությունը:
Բրիտանիայի ԱԳ նախարար Ուիլյամ Հեյգը հայտարարել է, որ Լոնդոնը պատրաստ է ավելի ակտիվ կերպով օգնություն ցուցաբերել Սիրիայի ընդդիմադիր կոալիցիային:
Նոյեմբերի 14-ին Ֆրանսիան դարձավ Արևմուտքի առաջին երկիրը, որը պաշտոնապես ճանաչեց սիրիական միացյալ ընդդիմությունը: