«Կան մարդիկ, որոնք շատ լավ էին խաղում: Ոմանք մինչև վերջ փորձում էին իրենց դիրքերը չզիջել: Ես առաջին անգամ եմ նման սեանս անցկացնում քրեակատարողական հիմնարկում: Ինչպես և իմ բոլոր մրցակիցներին, նրանց ևս շատ հարգանքով եմ վերաբերվում, ինձ համար շատ հետաքրքիր է դատապարտյալների հետ խաղալը: Կյանքում բոլորս էլ կարող ենք դժվարին իրավիճակում հայտնվել, և ինձ համար հաճելի է, որ մենք կարող ենք նրանց հետ շփվել և օգտակար լինել»,- Էրեբունի քրեակատարողական հիմնարկում Սերգեյ Մովսիսյանի հետ շախմատային սեանս աննցկացնելուց հետո ասաց գրոսմայստեր Լևոն Արոնյանը:
Սերգեյ Մովսիսյանի համար էլ շախմատային պարտիաները հետաքրքիր էին: Նրա խոսքով, Արոնյանի հետ նման կերպ դեռ չէր խաղացել: «Ես շարունակում էի Լևոնի խաղը: Նմանատիպ հանդիպումներում շատ կարևոր է, թե ում հետ ես խաղում, բայց Լևոնի հետ շատ հեշտ էր համագործակցել»,- ասաց Մովսիսյանը: