Հայաստանի կառավարությունը նոյեմբերի 22-ի նիստում փոփոխություններ է կատարել պետտուրքի մասին օրենքում, որի համաձայն սիրիահայերն ազատվում են անձնագրի ստացման կամ փոխանակման համար սահմանված 65 հազար դրամի վճարումից:

Ինչպես նշել է սփյուռքի նախարար Հրանուշ Հակոբյանը, այս որոշումը, մասնավորապես, պայմանավորված է նրանով, որ ստեղծված իրավիճակում և հաշվի առնելով հետագա հնարավոր զարգացումները Սիրիայում, վտանգ է սպառնում շուրջ 100 000 սիրիահայերին: Ուստի կառավարությունը քայլեր է ձեռնարկում ապահովելու համար սիրիահայերի անվտանգությունն ու նրանց վերադարձը հայրենիք:

Այս որոշման հիման վրա ենթադրվում է ՏԻՄ պետբյուջեի կրճատում 65 մլն դրամով: