«Ես հետաքրքրվելու եմ այս գործով, մեր ողջ պատվիրակությունը, մեր ողջ հանրապետությունն է հետաքրքրվելու: Այդ խնդիրը ոչ միայն հայկական խնդիր է, դա առաջին հերթին խնդիր է Ռուսաստանի համար»: Այդ մասին հայտարարել է Ռուսաստանում Հայաստանի դեսպան Արմեն Սմբատյանը, խոսելով Վերին Պիշմայում երեք հայերի սպանության մասին: Նշենք, որ մինչեւ քննության ավարտը Վերին Պիշմայի ողջ միլիցիան անցել է ծառայության ուժեղացված ռեժիմի: Կարգի պահապաններին տրվել է հատուկ հրաման` ամեն գնով ապահովել քաղաքի հայ բնակչության անվտանգությունը: