Դերասաններ Վարդան Պետրոսյանն ու Կարինե Ջանջուղազյանը նոյեմբերի 29-ին, ժամը 14:00-ին հրավիրում են «Մհեր Մկրտչյան» արտիստական թատրոն՝ «Մհերի Դուռը» բեմական ընթերցման: Դերասանները կընթերցեն հատվածներ ցմահ բանտարկյալ Մհեր Ենոքյանի բանտային օրագրից:

Մհեր Ենոքյանի անունից ուղարկված հաղորդագրության մեջ նշված է հետևյալը. «Այս բեմական ընթերցման օրը, գիտեմ, որ պատահական է ընտրվել, բայց տարօրինակ զուգադիպությամբ հենց 1996 թվականի նոյեմբերի 29-ին հասարակության անունից և հանուն ՀՀ-ի ինձ մահվան դատապարտեցին »:

Ենոքյանն այժմ գտնվում է «Նուբարաշեն» քրեակատարողական հիմնարկում: Նշենք, որ Մհեր Ենոքյանը դատապարտվել է 1996 թվականին՝ համակուրսեցուն սպանելու մեղադարքնով, սակայն մինչ օրս պնդում է, որ անմեղ է: