Ճապոնիայի հյուսիսում գտնվող Հոկկայդո կղզում ուժեղ քամով ուղեկցվող ձյուն է տեղացել: Մոտ 37 հազար տուն մնացել է առանց էլեկտրականության:
Ազգային օդերևութաբանական վարչությունը ամբողջ Հոկկայդոյում, ինչպես նաև Հոնսյու կղզու հյուսիսային Տոհոկու և Հոկուրիկու շրջաններում հայտարարել է փոթորկի վտանգի մասին: Ափամերձ շրջաններում ալիքների բարձրությունը հասնում է 6 մետրի: Իշխանությունները կոչ են անում բնակչությանը զգուշանալ և տները լքել միայն խիստ անհրաժեշտության դեպքում, հաղորդում է ԻՏԱՐ-ՏԱՍՍ-ը: