Սպառողների միության նախագահ Արմեն Պողոսյանն այսօր ասուլիսի ժամանակ իր մտահոգություննն է հայտնել թռչնաբուծության ներկա վիճակի մասին: Նրա խոսքով՝ այս ճյուղն ամենաարագ շահույթ ապահովողն է, հետևաբար, մեր երկիրը պետք է ավելի արագ կողմնորշվեր այն զարգացնելու հարցում.«Ամոթ է, որ հավի մսի 75 տոկոսը ներկրում ենք, այդ թվում Բրազիլիայից՝ երկրագնդի հակառակ կողմից՝ օվկիանոսով: Սա խոսում է մեր թերի տնտեսական քաղաքականության մասին»:
Նրա խոսքով՝ նախկինում թռչնամիս ու ձու էինք արտահանում Վրաստան, բայց փոխանակ ընդլայնեինք արտահանման ծավալները, սեղմվում ենք»:
Արմեն Պողոսյանն ասում է, որ շուկայում ամեն տեսակի ձու ու թռչնամիս պետք է լինի, բայց սպառողները հայրենական արտադրանքը պիտի նախըտրեն, ինչպես մի ժամանակ գերմանացիները: