Որոշ երկրներ չեն ցանականում, որ Կովկասի տարածաշրջանում խաղաղություն ու կայունություն հաստատվի, այստեղ սեփական քաղաքականություն վարելու համար, հենց այդ պատճառով էլ ղարաբաղյան խնդիրը դեռ լուծված չէ, Բաքվում լրագրողներին է ասել թուրքական խորհրդարանի խոսնակ Ջեմիլ Չիչեկը:
Ըստ նրա, այն, որ ղարաբաղյան հակամարտությունն արդեն 20 տարի է, ինչ ձգձգվում է, անընդունելի է, այն լուծելու համար ԵԱՀԿ ՄԽ-ն պետք է ակտիվացնի ջանքերը:
«Համաշխարհային հանրությունը, որը մարդու իրավունքներ է քարոզում աշխարհով մեկ, պետք է առաջին հերթին ուշադրություն դարձնի ղարաբաղյան հակամարտության վրա ու ջանքեր գործադրի այն կարգավորելու համար»,-ասել է Չիչեկը, հայտնում է «Թրենդ» գործակալությունը: