Գերմանիայում բացվել է երկրում խոշորագույն օնլայն-գրադարան` Deutsche Digitale Bibliothek (DDB), հաղորդվում է մամուլի հաղորդագրությունում: Նոյեմբերի 28-ից կայքի բետա-տարբերակը հասանելի է ինտերնետ-օգտատերերի համար: Նախագծի շնորհանդեսը կայացել է նույն օրը Բեռլինում:

Գրադարանում հավաքված են 5,6 մլն գրքեր, արխիվներ, հուշարձանների լուսանկարներ, նկարների վերարտադրություն, աուդիոձայնագրություններ և ֆիլմեր, գրում է lenta.ru-ն` հղելով dpa-ին: 2007-ի ամռանից նախագծի վրա աշխատել է մասնագետների մեծ խումբ:

Ծրագրվում է, որ այս գրադարանը կմիավորի բոլոր գերմանական մշակութային և գիտական հաստատությունները` իրենց օնլայն-գրադարններով, և կինտեգրացվի եվրոպական Europeana նախագծին, որը գոյություն ունի արդեն 4 տարի: