Կահիրեում ցույցեր են սկսվել` սահմանադրության նոր նախագծի ընդունումից մի քանի ժամ անց: Նոր սահմանադրության նախագիծը Ղուրանի շարիաթի օրենքները համարում է օրենսդրության գլխավոր հիմք:

Ավելի վաղ երկրի նախագահ Մուհամմեդ Մուրսին հրամանագիր էր ստորագրել, որն ընդլայնում է նրա լիազորությունները: Ըստ այդմ, արգելվում է նախագահի որոշումները վիճարկել դատարանում:

Սահմանադրության նախագիծը կներկայացվի Մուրսիին, ով, ինչպես սպասվում է, այն համաժողովրդական հանրաքվեի կդնի:

Լիբերալները, ձախերը և քրիստոնյաները բոյկոտել են քվեարկությունը, հայտարարելով, որ իսլամիստները փորձում են եգիպտացիներին պարտադրել սահմանադրության իրենց հասկացումը, հաղորդում է BBC-ն: