Նյու Յորքի ժամանակակից արվեստի թանգարանը (MOMA) հայտարարել է, որ իր ցուցանմուշների թվում կլինեն նաև վիդեոխաղեր: Սկզբում որոշում է կայացվել հավաքածուի մեջ ներառել 14 դասական նախագծեր, որոնց թվում են Pac-Man, Myst, EVE Online, Dwarf Fortress, Portal և Canabalt:
Այս խաղերն ընտրվել են իրենց «վառ ինտերակտիվ դիզայնի համար»:
Թանգարանը պնդում է, որ խաղային ցուցահանդեսը այցելուներին կներկայացվի արդեն հաջորդ տարվա մայիսին, գրում է The Verge-ը:
Նախագծի կուրատոր Պաոլա Անտոնելլին լրագրողներին պատմել է, որ վիդեոխաղերը բարդ ցուցանմուշներ են: Պետք է շատ կրեատիվ լինել` իսկապես շատ հետաքրքիր նախագիծ պատրաստելու համար: