Ջելալաբադում թալիբների կողմից հարձակման ենթարկված ՆԱՏՕ-ի բազայի դարպասների մոտ գտնվել են 12 մարմիններ: Այդ մասին հաղորդում է Gazeta.ru-ն: Ոստիկանների խոսքով, մահացածների շարքում կան «Թալիբան» շարժման ներկայացուցիչներ, ինչպես նաև ՆԱՏՕ-ի զինծառայողներ և և անվտանգության աֆղանական ուժերի զինվորներ:
Ջելալաբադում ՆԱՏՕ-ի բազան, որտեղ գտնվում է Աֆղանստանի մեծությամբ երրորդ ռազմական օդանավակայանը, այսօր առավոտյան ենթարկվել է հարձակման: Թալիբները գնդակոծել են բազայի տարածքը և նրա պատերի մոտ պայթեցրել մի քանի ռումբ: