Եգիպտոսի սահմանադրական դատարանը հետաձգել է երկրի նախագահ Մուհամմեդ Մուրսիի օրենսդրական նախաձեռնությունների մասին գործի քննարկումը, հաղորդում է Lenta.ru-ն:
Դեկտեմբերի 2-ին նշանակված նիստը հետաձգվել է Մուրսիի կողմնակիցների պատճառով, որոնք շրջապատել են դատարանի շենքը: Դատարանի նախագահ Մահեր ալ Բուհեյրին չի պարզաբանել, թե երբ տեղի կունենա Մուրսիի սահմանադրական նախաձեռնությունների դիտարկումը:
Եթե սահմանադրական դատարանը Մուրսի նախաձեռնություններն ապօրինի ճանաչի, Եգիպտոսում կծագի քաղաքական ճգնաժամ: Նախագահական հռչակագրի համաձայն, սահմանադրական հանձնաժողովի բոլոր որոշումները, որը մշակել է Եգիպտոսի նոր սահմանադրության նախագիծը, ենթակա չեն դատաիրավասության: