Երևանում շարունակվում է բռնցքամարտի աշխարհի երիտասարդական առաջնությունը:
Քառորդ եզրափակիչ մարտերի երեկոյան մրցահերթում հայ մարզիկներից առաջինը ռինգ բարձրացավ մինչև 81կգ քաշային բռնցքամարտիկ Նիկոլայ Հարությունովը: Նրա մրցակիցը Անգլիայի ներկայացուցիչ Սթիդ Վուդալն էր:
Հայ մարզիկն իրեն շատ հանգիստ ու ազատ էր զգում ռինգում, ինչն էլ հնարավորություն էր տալիս նրան ավելի ճիշտ կատարել մարզիչների հրահանգները: Արդյունքում, նա մրցավարների որոշմամբ հաղթանակ տոնեց բոլոր երեք ռաունդներում՝ 12:7 հաշվով:
Այսպիսով, Հարությունովը դուրս եկավ կիսաեզրափակիչ և վաստակեց ամենաքիչը աշխարհի առաջնության բրոնզե մեդալ:
Աշխարհի առաջնությունում ավելի ուշ ելույթ կունենա Հայաստանի վերջին ներկայացուցիչը՝ Նարեկ Մելքոնյանը (+91կգ):