Լիբանանի ԱԳ նախարար Ադնան Մանսուրը դիմել է սիրիական իշխանություններին` խնդրելով իրենց հանձնել ապստամբների կողմում կռված լիբանանցիների մարմինները:
Մանսուրը նման դիմում է ներկայացել Բեյրութում Սիրիայի դեսպանին, ով խոստացել է այն ուղարկել Դամասկոս:
Լիբանանյան իշխանությունների տվյալների համաձայն, նոյեմբերի 30-ին լիբանանյան Տրիպոլի քաղաքի 22 բնակիչներ սպանվել են սիրիական Թալ-Կալակ սահմանամերձ քաղաքում:
Լիբանանյան իշխանությունների ներկայացուցիչը հաղորդել է, որ «նրանք Սիրիա են ուղևորվել` ապստամբների շարքերում մարտնչելու համար»: