Կայացել է Եվրոպայի մինչև 19 տարեկան պատանիների առաջնության վիճակահանությունը: Հայաստանի հավաքականը մտել է երկրորդ խումբ, որտեղ նրա մրցակիցները կլինեն Ռումինիայի, Լիտվայի և Լեհաստանի հավաքականները:
2013-ի աշնանը մասնակիցները կպայքարեն որակավորման առաջին փուլում 28 տեղերի համար: Եզրափակիչ մրցաշարին կմասնակցեն Հունգարիայի հավաքականը` որպես մրցաշարի տեր, և ևս յոթ թիմեր: Իսպանիայի հավաքականը վարկանիշի առաջատարի իրավունքով ավտոմատ կերպով անցել է այդ փուլ:
Վիճակահանության ընթացքում կազմվել են 13 խմբեր: Յուրաքանչյուր խմբից երկու ուժեղագույն թիմեր և երրորդ տեղերը զբաղեցրածները, որոնք լավագույն արդյունքն են ցույց տվել իրենց խմբի առաջատարների հետ խաղում, կանցնեն որակավորման առաջին փուլ: Այս փուլի խաղերը տեղի կունենան 2014-ի գարնանը: