Դեկտեմբերի 5-ին Արցախի հանրապետության նախագահ Բակո Սահակյանը աշխատանքային խոհրդակցություն է անցկացրել` նվիրված Ստեփանակերտի ջրամատակարարման խնդրին: Այս մասին հաղորդում է Արցախի հանրապետության նախագահի աշխատակազմի տեղեկատվության գլխավոր վարչությունը:
Խորհրդակցությանը, որին ներկա էին ՀՀ տարածքային կառավարման նախարարության ջրային տնտեսության պետական կոմիտեի ներկայացուցիչները, քննարկվել են մայրաքաղաքի ջրամատակարարման համակարգի արդիականացման, այդ թվում` մաքրման կայանների շահագործման, ջրի որակի հսկողության հետ կապված հարցեր:
Կարևորելով ջրային համակարգի կենսական նշանակությունը Արցախի կյանքում` Բակո Սահակյանն ընդգծել է իրականացվող աշխատանքների բարձր որակի և անվտանգության պահպանման, ինչպես նաև այդ ոլորտում Հայաստանի համապատասխան կառույցների հետ սերտ համագործակցության անհրաժեշտությունը:
Խորհրդակցությանը մասնակցում էին փոխվարչապետ Արթուր Աղաբեկյանը, պաշտոնատար այլ անձինք:
