Սիրիական զորքերը դեկտեմբերի 5-ին Դամասկոսի մերձակայքում գրոհայինների խմբավորումների ոչնչացման մի քանի հաջող ռազմական օպերացիաներ են իրականացրել, հաղորդում է ԻՏԱՐ-ՏԱՍՍ-ը:

Ինչպես հաղորդում է «Սուրիա» հեռուստաալիքը, Էլ-Ուտեյբա և Զամալկա շրջաններում շրջափակվել և ոչնչացվել են «Ալ-Քաիդայի» գրոհայինների երկու խմբավորում: Սպանվել են «տասնյակ վարձկան-գրոհայիններ»:

Հոմսում ծավալած գործողությունների ընթացքում սիրիական հատուկ նշանակության ջոկատայինները ոչնչացրել են «Ջեբհատ ան-Նուսրա» ծայրահեղական խմբակցության 40 զինված գրոհայինների: