Ընդդիմադիր դաշտում ստեղծված իրավիճակը հուշում է, որ ընդդիմությունը փորձում է որոշումներ ընդունել կամ լուծումներ գտել և դեռևս չի մոտեցել այդ լուծումներին: Այս մասին այսօր լրագրողների հետ հանդիպման ժամանակ ասաց ԱԺ ՕԵԿ խմբակցության պատգամավոր Մհեր Շահգելդյանը: Նա հույս հայտնեց, որ մոտակա ժամանակահատվածում ընդդիմությունը կարտահայտի իր դիրքորոշումը, մոտեցումները և այդ ժամանակ պարզ կդառնա, թե ինչպես կընթանան զարգացումները: «Միգուցե կան քննարկումներ և փորձում են իրենց ուժերը փորձարկել»,- ասաց Մհեր Շահգելդյանը: Նա նկատեց, որ ընդդիմությունը պետք է, որ արդեն կողմնորոշված լիներ, սակայն դեռ լուծումներ են փնտրում և մտածում են՝ ինչ ռազմավարություն և մարտավարություն որդեգրել: