Ռուսաստանը թույլ չի տա, որպեսզի Սիրիայում իրադարձությունները զարգանան ըստ «լիբիական սցենարի», կիրակի օրը հաղորդել է Ռուսաստանի ԱԳ նախարար Սերգեյ Լավրովը, գրում է ՌԻԱ Նովոստին:
« Մենք թույլ չենք տա, որ Սիրիայում իրացվի լիբիական փորձը »,-ասել է նա «Ռուսաստանն ու փոփոխվող աշխարհը» կլոր սեղանի ընթացքում:
«Ցավոք, մեր արևմտյան գործընկեները հեռացել են ժնևյան պայմանավորվածություններից և փորձում են հասնել Սիրիայի նախագահ Բաշար Ասադի պաշտոնանկությանը»,-ասել է ՌԴ ԱԳ նախարարը:
Սիրիայում հակակառավարական բախումները շարունակվում են 2011թ մարտից: Այս ընթացքում, տարբեր տվյալների համաձայն, երկրում զոհերի թիվը կազմում է մոտ 40 հազար: