WikiLeaks ռեսուրսի հիմնադիր Ջուլիան Ասսանժը մտադիր է առաջադրվել 2013թ Ավստրալիայի սենատի ընտրություններում, հաղորդում է ABC հեռուստաալիքը` հղելով ավստրալական ԶԼՄ-ներին: Ընտրություններին մասնակցելու համար Ասսանժը մտադիր է գրանցել Australian Wikileaks կուսակցությունը: Ակտիվիստի խոսքով, արդեն մի շարք հայտնի մարդիկ ցանկություն են հայտնել անդամագրվելու նրա կուսակցությանը, որը «հիացմունք է առաջացնում Ավստրալիայում»:
Ասսանժը հավաստիացրել է, որ բավականաչափ իրավական հիմքեր ունի, որպեսզի ներկայանա որպես Նոր Հարավային Ուելս կամ Վիկտորիա նահանգների ընտրող, որը բնակվում է արտերկրում:
Ներկայումս Ասսանժը գտնվում է Լոնդոնում` Էկվադորի դեսպանատան տարածքում: