Հրթիռնրեը բաց են թողնվել Դամասկոսի մերձակայքից և դրանց նպատակակետերը Սիրիայի հյուսիսում գտնվող և ապստամբների կողմից վերահսկվող օբյեկտներն են
Սիրիայի ԱԳՆ-ն հերքել է հաղորդագրություններն այն մասին, որ Դամասկոսը ապստամբների դեմ պայքարում կիրառում է ՍԿԱԴ տեսակի հրթիռներ:
«Սիրիայի ԱԳՆ-ն հերքում այդ հաղորդագրությունները, որոնք տարածվել են երկրում տիրող իրավիճակը խեղաթյուրված կերպով ներկայացնելու համար»,-հաղորդում է SANA գործակալությունը` հղելով ԱԳՆ հայտարարությունը:
Նախօրեին հաղորդագրություններ էին տարածվել, որ Սիրիայի բանակը ՍԿԱԴ տեսակի հրթիռներ է կիրառում ապստամբների դեմ: Հաղորդվում է, որ հրթիռնրեը բաց են թողնվել Դամասկոսի մերձակայքից և դրանց նպատակակետերը Սիրիայի հյուսիսում գտնվող և ապստամբների կողմից վերահսկվող օբյեկտներն են